Тренерот на Наполи, Маурицио Сари, тренер на годината во Серија А

РИМ (АА) - Тренерот на Наполи, Маурицио Сари, беше прогласен за најдобар тренер во Серија А за минатата сезона, јавува Anadolu Agency (AA).

Со гласовите на тренерите од Серија А и Серија Б беа избрани трите најдобри тренери во сезоната ‎2015 – 2016.

Сари (58) со 25 од можните 61 глас е избран за тренер на годината во Италија, а втор беше тренерот на Јувентус, Масимилијано Алегри, со три гласа помалку.

На третото место за најдобар тренер во Серија А се најде тренерот Сасуоло Еузебио Ди Франческо.

Како за потсетување, една година претходно, за тренер на годината во Италија беше избран Алегри.

Сари минатата сезона го презеде Наполи, а на крајот од сезоната беше втор во генералниот пласман.

Тренерот на Наполи ја прими наградата од претседателот на Фудбалската федерација на Италија, Карло Taвечиа.

„Ова не значи дека Наполи води 1 : 0 против Јувентус. Резултатите и поените се поважни од наградата. Но убаво е барем еднаш да се победи Масимилијано“, се пошегува Сари за време на говорот при доделувањето на наградите.

За првпат во историјата, тренер на Наполи од Серијата А ја освојува оваа награда.

Сари во својата кариера ги водеше Стиа, Каврилја, Антела, Валдемо, Теголето, Сансовино, Санџованезе, Пескара, Арецо, Авелино, Верона, Перуџа, Гросето, Александрија, Соренто, Емполи и Наполи.