Elvir Hociç
15 Јули 2018•Ажурирај: 16 Јули 2018
МОСКВА (АА) - Франција во финалето на Светското фудбалско првенство во Русија ја совлада Хрватска со резултат 4:2, јавува Anadolu Agency (AA).
Возбудливото финале на Светското првенство во Русија се одигра на москвскиот стадион „Лужники“, а правдата на теренот ја делеше аргентинскиот тим на чело со Нестор Питанa.
По внимателното отворање на натпреварот, Французите беа во водство во 18-та минута со автоголот на хрватскиот голгетер Марио Манџукиќ.
Хрватска изедначи десет минути подоцна, исто така, по прекинот, откако со центаршутот на Лука Модриќ во шеснаесетникот најдобро се снајде Иван Перишиќ, кој со силен удар ја погоди мрежата.
Тој резултат на семафорот стоеше десет минути, а потоа „триколорите“ повторно дојдоа во водство. По користењето на ВАР технологијата, судијата констатираше дека Перишиќ игра со рака и досуди пенал кој го реализираше Антоан Гризман.
Избраниците на хрватскиот селектор Златко Далиќ во втората половина влегоа многу порешително и создадоа голем број добри можности, но изостануваше нивната реализација.
Одговорија избраниците на Дидие Дешам, кои во 59-тата минута изведоа одлична акција која во гол ја претвори Пол Погба.
Хрватскиот тим не успеа да се опорави од шокот по примениот гол, а пет минути подоцна најдобриот француски фудбалер Килијан Мбапе ја зголеми предноста на 4:1.
Марио Манџукиќ во 69-та минута во стилот на врвен голгетер ја искористи големата грешка на францускиот голманот Лориса и намали на 4:2.
Французите така го повторија успехот од Светското првенство во 1998 година, кога како домаќини станаа светски шампиони, а Хрватска со освојувањето на сребро направи чекор подалеку од третото место кое го освоија на Светското првенство во 1998 година.
