????? ????????
08 Ноември 2015•Ажурирај: 08 Ноември 2015
ЗАГРЕБ (АА) - Претседателката на Хрватската Република, Колинда Грабар-Китаровиќ утринава гласаше на парламентарните избори и ги повика сите граѓани со право на глас да излезат и да учествуваат на изборите, пренесува Anadolu Agency (АА).
Хрватската претседателка во придружба на својот сопруг Јаков ја изврши својата граѓанска должност гласајки во 9 часот на улицата “Бауер" во Загреб.
Откако го даде својот глас, Грабар-Китаровиќ, ги повика сите хрватски граѓани да го стори истото.
"Ги повикувам сите хрватски граѓани да излезат на денешните избори, да го дадат својот глас, бидејќи денес одлучуваме за нашата судбина во наредните четири години", рече Грабар-Китаровиќ.
Правото на глас на осмите парламентарни избори имаат 3,8 милиони гласачи во земјата и странство. Ова се првите парламентарни избори во кои гласачите имаат можност за преференцијално гласање. Гласачките места се отворени во 7 часот а ќе се затворат во 19 часот, кога завршува изборниот молк.
Првите неофицијални резултати ќе ги објави Државната изборна комисија (ДИК), во 22 часа.
