НБА: Џеди Осман со 17 поени придонесе во победата на Кавалирс

АНКАРА

Натпреварите во НБА продолжија со 9 средби. Кливленд Кавалирс се вратија со победа од гостувањето кај Торонто Репторс, каде што во последните 1,5 минута заостанаа 5 поени, известува Агенција Анадолија (АА).

Кај Кавалирс, кои го добија третиот натпревар во низа, Дариус Гарланд постигна 21 поен и 8 асистенции, Џерет Ален постигна дабл-дабл од 16 поени и 15 скока, Еван Мобли 18 поени и 5 скока, а турскиот интернационалец, охриѓанецот Џеди Осман, кој влезе во игра од клупа, го заврши натпреварот со 17 поени, 2 скока и 2 асистенции.

Кај Репторс, Оџи Ануноби постигна 23 поени, 6 скока и 5 асистенции, Фред ВанВлит постигна 18 поени, 6 скока и 6 асистенции, а Гери Трент постигна 17 поени и имаше 6 украдени топки.

- Вориорс го совлада Пеликанс со 41 поен разлика

Голден Стејт Вориорс го совлада Њу Орлеанс Пеликанс со резултат 126:85 и ја постигна својата седма победа на осум натпревари.

Градители на победата на „воините“ беа Џордан Пул со 26 поени, Стефен Кари со 19 поени и 6 асистенции и Гери Пејтон, кој од клупата влезе во игра, постигнувајќи 17 поени и 6 скока.

Јонас Валанчунас со дабл-дабл од 20 поени и 15 скока беше најдобар во редовите на Пеликанс, но тоа не беше доволно за да се избегне високиот пораз од Вориорс.

Резултати:

Детроит Пистонс - Бруклин Нетс 90:96

Орландо Меџик - Сан Антонио Спарс 89:102

Вашингтон Визардс - Мемфис Гризлис 115: 87

Торонто Репторс - Кливленд Кавалирс 101:102

Милвоки Бакс - Њујорк Никс 98:113

Минесота Тимберволвс - Лос Анџелес Клиперс 84:104

Сакраменто Кингс - Шарлот Хорнетс 140:110

Голден Стејт Вориорс - Њу Орлеанс Пеликанс 126:85

Портланд Треил Блејзерс - Индијана Пејсерс 110:106.