НБА: Милвоки Бакс продолжува со победи, Мајами загуби од Визардс

АНКАРА

Екипата на Милвоки Бакс во рамките на натпреварите од регуларниот дел на американската Национална кошаркарска лига (НБА) го совлада тимот на Чикаго Булс со 123 : 102. Турскиот интернационалец Ерсан Илјасова постигна дабл-дабл и даде значаен придонес во победата на Бакси, јавува Агенција Анадолија (АА).

Синоќа се одиграа 6 натпревари од НБА. Тимот на Милвоки Бакс, кој е лидер во Источната конференција, ѝ гостуваше на екипата на Чикаго Булс. Бакси извојуваа победа од 21 разлика и стигнаа до својата 30. победа сезонава.

Ова е трета едноподруго победа на Милвоки, а најпрецизен кај гостинскиот тим беше Крис Мидлтон со 25 поени, 6 скока и 4 асистенции. Значаен придонес во победата, постигнувајќи дабл-дабл учинок, дадоа Јанис Антетокунпо со 23 поени, 10 скока и 6 асистенции и турскиот интернационалец Ерсан Илјасова со 14 поени, 11 скока и 2 асистенции.

Тимот на Чикаго Булс го претрпе својот 21. пораз. Најпрецизни кај домаќините беа Зек Лавин со 19 поени, 4 скока и 5 асистенции, Лаури Маркканен со 18 поени и 6 скока и Коби Вајт со 18 поени и 4 асистенции.

- Тимберволвс до победа во продолжението

Натпреварот меѓу Минесота Тимберволвс и Бруклин Нетс во регуларниот дел од средбата заврши нерешено 103 : 103. Во продолжението на натпреварот Тимберволвс успеаја да ги победат Нетси со 122 : 115.

Ова е 12. победа на Тимберволвс, а најпрецизни во редовите на Минесота беа Шабаз Напие со 24 поени, 8 асистенции и 3 скока, Џерет Калвер со 21 поен, 5 скока и 3 асистенции, а Горги Џенг постигна дабл-дабл од 11 поени и 20 скока.

Нетси го претрпеа својот 16. пораз сезонава. Најпрецизни во редовите на Бруклин беа Спенсер Динвиди со 36 поени, 8 скока и 5 асистенции, Џо Харис со 19 поени, а Торин Принс постигна дабл-дабл од 11 поени и 14 скока.

Вечер на програмата се 7 натпревари. Се среќаваат:

Шарлот Хорнетс - Бостон Селтикс

Индијана Пејсерс - Филаделфија Севентисиксерс

Сакраменто Кингс - Лос Анџелес Клиперс

Торонто Репторс - Кливленд Кавалирс

Хјустон Рокетс - Денвер Нагетс

Сан Антонио Спарс - Голден Стејт Вориорс

Оклахома Сити Тандер - Далас Маверикс.

Резултати од синоќа одиграните натпревари:

Вашингтон Визардс - Мајами Хит 123 : 105

Орландо Меџик - Атланта Хоукс 93 : 101

Чикаго Булс - Милвоки Бакс 102 : 123

Минесота Тимберволвс - Бруклин Нетс 122 : 115 (во продолжение)

Јута Џез - Детроит Пистонс 104 : 81

Портланд Треил Блејзерс - Феникс Санс 116 : 122.