НБА: Бостон на гости ја совлада Филаделфија
На средбата меѓу фаворитите од Источната конференција во НБА, тимот на Бостон Селтикс против Филаделфија Севентисиксерс настапи без плејмејкерот Ирвин, кој ќе игра на Ол-стар натпреварот во Шарлот
Ankara
АНКАРА (АА) - Во американската национална кошаркарска лига НБА, тимот на Бостон Селтикс како гостин ја совлада екипата на Филаделфија Севентисиксерс со резултат 109:112, пишува Anadolu Agency (AA).
Синоќа се одиграа 5 средби во НБА. Натпревар одиграа Бостон Селтикс и Филаделфија Севентисиксерс, две екипи фаворити во Источната конференција. Селтикс како гости успеаја да ги совладаат Севентисиксерси со резултат 109:112.
Селтикс, иако ослабени поради неиграњето на плејмејкерот Кари Ирвинг, кој ќе настапи на Ол-стар натпреварот закажан викендов, имаше тројца играчи кои против Севентисиксерс постигнаа 20 и повеќе поени. Гордон Хејвард постигна 26 поени, Ал Хорфорд 23 поени, 8 скока, 5 асистенции, 4 украдени топки, а Џејсон Тејтум имаше дабл-дабл од 20 поени и 10 скока.
Во тимот на Севентисиксерс најпрецизни беа Џоел Ембид со дабл-дабл од 23 поени, 14 скока и Џими Батлер со 22 поени и 9 скока, но не успеаја да го спречат поразот на домашен терен.
- Резултати
Атланта Хоукс - Лос Анџелес Лејкерс 117 : 113
Филаделфија Севентисиксерс - Бостон Селтикс 109 : 112
Мемфис Гризлис - Сан Антонио Спарс 107 : 108
Њу Орлеанс Пеликанс - Орландо Меџик 88 : 118
Голден Стејт Вориорс - Јута Џез 115 : 108
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.