Ливерпул го затвора тренинг-центарот поради случаи на Ковид-19

АНКАРА

Ливерпул денеска привремено го затвори центарот за тренинг поради сѐ поголемиот број на случаи на Ковид-19, соопшти клубот на англиската Премиер лига, пренесува Агенција Анадолија (АА).

„Фудбалскиот клуб Ливерпул може да потврди дека објектите за тренинг на првиот тим во Центарот за тренинг АКСА се привремено затворени поради брзиот раст на позитивни случаи на Ковид-19“, се наведува во соопштението на клубот.

Се додава дека одлуката е донесена по консултација со надлежниот здравствен орган.

Пепијн Лијндерс, помошник-менаџерот на Ливерпул, беше последниот член на „црвените“ кој беше позитивен на тестот, потврдија од клубот.

Покрај Лијндерс, многу играчи и персонал на Ливерпул се заразиле со Ковид-19.

Во вторникот Ливерпул поднесе барање до ЕФЛ (Англиската фудбалска лига) за одложување на претстојниот натпревар во Карабао купот оваа недела поради здравствени причини.

Ливерпул беше во пар со Арсенал во полуфиналето на Карабао купот, а првиот натпревар треба да се игра в четврток, на стадионот „Емирати“ во Лондон.