ТОКИО (АА) - Поради високите температури во Јапонија минатата недела животот го загубија 23 лица, пренесува Агенција Анадолија (АА).

Агенцијата за управување со пожар и катастрофи соопшти дека 8.122 лица се хоспитализирани во периодот од 19 до 25 јули поради топлотниот удар.

Агенцијата нагласи дека 23 од нив починале, а здравјето на повеќе од 3.000 лица им е во сериозна состојба.

Истакнато е дека повеќе од половина од хоспитализираните се на возраст над 65 години, 2.627 се на возраст од 18 до 64 години, а 800 се на возраст под 17 години.

Експертите препорачуваат да се вклучуваат уредите за вентилација кога температурата достигнува 28 степени или пак влажноста достигнува 70 проценти.