Шефицата на шведската дипломатија со реакција кон левичарската партија поради промовирањето на терористичката ПКК

СТОКХОЛМ (АА) - Шефицата на шведската дипломатија Ан Линде, остро реагираше на левичарска партија која на политичкиот форум „Алмедален“ носеше обележја што ја симболизираат терористичката организација ПКК, правејќи пропаганда, пренесува Агенција Анадолија (АА).

Линде, на својот профил на Твитер, тагирајќи го министерот за правда и внатрешни работи, Морган Јохансон, напиша: „Ова е апсолутно неприфатливо. ПКК е организација која е прогласена за терористичка организација од Владата на Олоф Палме во 1984 година. Уби многу невини луѓе. Левичарската партија треба веднаш да ја прекине пропагандата за ПКК.“

Користејќи ги истите изрази на својот профил на Твитер, министерот за правда и внатрешни работи, Јохансон, ја предупреди левицата.

На Форумот за политика „Алмедален“, кој се одржува на шведскиот остров Готланд, пратениците на Левица, Даниел Риазат, Момоду Малколм Јалов и Лорена Делгадо Варас, носеа обележја што ја симболизираат терористичката организација ПКК и пропагираа дека ПКК не е терористичка организација.

Од друга страна, заменик-претседателот на Левицата, Даниел Риазат, поддржувач на ЈПГ/ПКК, заедно со кошаркарот Енес Кантер, еден од поддржувачите на терористичката организација ФЕТО, прошета низ шведскиот Парламент и лобираше Шведска да не поднесе барање за членство во НАТО.