Челникот на Хамас, Ханије, пристигна во Египет на разговори за израелската офанзива во Газа

ИСТАНБУЛ (АА) - Исмаил Ханије, шеф на политичкото биро на Хамас, пристигна во Каиро, главниот град на Египет, на разговори со египетските власти за израелската воена офанзива врз Појасот Газа, во која се убиени повеќе од 19.000 Палестинци, јавува Анадолу.

Палестинската група Хамас соопшти дека Ханије, меѓу другото, ќе разговара со египетските власти за најновиот развој на настаните во врска со ционистичката агресија на Газа.

Не се соопштени конкретни детали.

Палестински извор за Анадолу изјави дека се очекува Ханије да се сретне со Абас Камел, шефот на египетската разузнавачка служба, а разговорите ќе вклучуваат ставање крај на израелските воени акции и укинување на блокадата на Појасот Газа.

Изворот рече дека разговорите би можеле да послужат како прелиминарен чекор кон уште еден договор за размена на заложници и затвореници со посредство на Египет и Катар.

Сепак, изворот нагласи дека „Хамас останува непоколеблив во својот став, инсистирајќи на прекин на непријателствата во Газа и повлекување на израелските сили пред да се вклучат во преговори за размена на заробеници.

Пред да замине за Египет, Ханије во Доха се состана со иранскиот министер за надворешни работи, Хусеин Амир-Абдолахиан.