Франција: Симпатизерите на терористичката организација ПКК го нападнаа Турскиот културен центар

ПАРИЗ

Симпатизери на терористичката организација ПКК го нападнаа Турскиот културен центар во областа Марињан на југот на Франција, пренесува Агенција Анадолија (АА).

Во областа Марињан, во близина на градот Марсеј, група маскирани симпатизери на ПКК на 7 април околу 18:00 часот по локално време ги искршија прозорците на Културниот центар и внатре фрлија разни материјали.

Групата, која извикуваше пароли во корист на терористичката организација, ѝ наштети на животната средина и повреди едно лице.

Во врска со нападот поднесена е жалба до соодветните органи и полицијата.

Турскиот амбасадор во Париз, Али Онанер, во разговор со претставници на Министерството за надворешни работи ќе побара да се најдат сторителите на нападите и да се преземат соодветни мерки.

- Нападите на симпатизери на ПКК во последните денови

Пред неколку дена симпатизери на ПКК со огномет ја нападнаа зградата на Генералниот конзулат на Турција во Париз. Исто така, на 5 април влегоа во зградата на Советот на Европа во Стразбур.

Француската полиција која интервенира да ја напуштат зградата на Советот, им овозможи на приврзаниците на ПКК да ја напуштат зградата.

Симпатизерите на ПКК пред неколку дена нападнаа и едно работно место кое припаѓа на Турчин во Лион.