Франција: Насилниците на жени ќе бидат следени со електронски нараквици
- Според службените податоци, во Франција минатата година од последиците на напади од сопруг или партнер починале 146 жени, а во 2018 година, 121
ПАРИЗ
Мажите кои се регистрирани како сторители на насилство врз жените, ќе бидат следени со помош на електронски нараквици, пренесува Агенција Анадолија (АА).
Според одлуката објавена во службените весници, на напаѓачот ќе му биде ставена електронска нараквица за да се спречи да ѝ пријде на жената која ја злоставувал.
Со апликацијата, која стапува на сила утре, ќе се утврди локацијата на напаѓачот и во системот ќе се активира предупредување, доколку го надмине дозволеното растојание.
Апликацијата прво ќе се имплементира во пет региони, а до 31 септември ќе биде имплементирана и во другите делови на Франција.
За ставање нараквица на лицето регистрирано за злоставување жени, ќе биде потребна судска одлука.
Според службените податоци, во Франција минатата година од последиците на напади од сопруг или партнер починале 146 жени, а во 2018 година, 121.