УНИЦЕФ: Повеќе од 2.000 деца во Франција спијат на улица
Бројката означува зголемување од 6% на бездомништвото кај децата во споредба со 2024 година и зголемување од 30% во однос на 2022 година
ИСТАНБУЛ (АА) - Повеќе од 2.000 деца спијат на улиците во Франција на почетокот на учебната 2025 година, соопшти денес Детскиот фонд на Обединетите нации (УНИЦЕФ), јавува Анадолу.
Најмалку 2.159 деца моментално се без покрив над главата во Франција, според барометарот издаден од УНИЦЕФ Франција, Федерацијата на солидарност (FAS) и Колективот на здруженија за домување (CAL).
Меѓу нив, 503 се под тригодишна возраст, се наведува во извештајот.
Бројката означува зголемување од 6% на бездомништвото кај децата во споредба со 2024 година и зголемување од 30% во однос на 2022 година.
„Секоја година, со негодување сме сведоци на растечки број деца кои спијат на улиците, изложени на деградирачки услови за живот и секојдневни опасности. Сепак, нашите организации даваат јасни препораки и предлагаат конкретни, ефикасни и реални решенија“, рече Аделин Хазан, претседателка на УНИЦЕФ Франција.
„Она што сурово недостасува денес не се ниту ресурси ниту експертиза, туку цврста политичка волја да се стави крај на неприфатливото“, додаде таа.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
