Украина со апел до Русија: Повлечете ги воените трупи од границата

КИЕВ

Министерството за надворешни работи на Украина ја повика Русија да ги повлече воените трупи од украинската граница и да ги исполни одредбите од договорот од Минск, пренесува Агенција Анадолија (АА).

Во соопштението на ова министерство се потсетува дека на 7 април, во рамките на Виенскиот документ од 2011 година на Организацијата за безбедност и соработка на Европа (ОБСЕ), од Русија е побарана официјална изјава во врска со зголемувањето на военото присуство на украинската граница.

Според соопштението, Русија одбива да даде објаснување во врска со случајот, а се истакнува дека консултативните иницијативи за намалување на тензиите се негирани од страна на Русија.

Во соопштението се упатува апел до Русија за повлекување на воените трупи од украинската граница, за откажување од дезинформации и од воениот став, како и за исполнување на безбедносните одредби што произлегуваат од договорите од Минск.