Трамп: „Не сум загрижен од демонстрациите во Египет“

ЊУЈОРК (АА) - Американскиот претседател Доналд Трамп истакна дека не е загрижен од демонстрациите организирани во Египет против претседателот на оваа држава, Абдулфетах ел Сиси, јавува Anadolu Agency (AA).

Трамп даде изјава за медиумите пред неговата средба со Сиси во рамки на 74-то заседание на Генералното собрание на Обединетите нации (ОН) во Њујорк.

Американскиот претседател нагласи дека Сиси за кратко време извршил добра работа.

„Кога ја презеде функцијата, неговата земја беше во безредие, а сега не“, додаде Трамп.

Запрашан дали е загрижен од демонстрациите против Сиси организирани во Египет, тој рече:

„Се одржуваат демонстрации против секого. Дури беа организирани бројни демонстрации против нашиот најдобар пријател во светот, (поранешниот претседател на САД, Барак) Обама. Не сум загрижен во оваа насока. Египет има прекрасен лидер, и го почитуваат.“

Минатата недела, на различни плоштади во египетскиот главен град, Каиро, за прв пат беа организирани демонстрации против Сиси.

Египќаните кои се собраа и на плоштадот „Тахрир“, извикуваа пароли против египетскиот претседател.