Трамп: „Истрагата на Милер е обид за преземање на Владата“

ВАШИНГТОН (АА) - Американскиот претседател Доналд Трамп синоќа изјави дека истрагата на специјалниот советник Роберт Милер претставувала обид за преземање на американската Влада, пренесува Anadolu Agency (AA).

„Не смееме да дозволиме... овие предавнички дела да се случат на некој друг претседател“, изјави Трамп за „Фокс њуз“ („Fox News“).

Во писмото од четири страници доставено до Конгресот во неделата, државниот обвинител Вилијам Бар истакува дека Милер не пронашол никаков доказ дека во кампањата на Трамп е соработувано со Русија за нејзино влијание на изборите во 2016 година.

Во врска со прашањето за опструкција на правдата, Бар во писмото наведува: „Иако во извештајот не е заклучено дека претседателот извршил кривично дело, во него не се ни ослободува“.

„Ова беше обид за преземање на Владата, нашата земја, нелегално преземање“, изјави Трамп и додаде: „Доколку беше обратно, јас тоа да го правам на поранешниот претседател Барак Обама или на некој Демократ, тоа ќе беше во суштина максималната реченица која ќе можевте да ја најдете.“

Тој исто така изјави дека доколку таква работа му се случела на Обама, 100 лица во моментот би биле во затвор и тоа ќе претставувало предавство.

„Тоа би се сметало за предавство и тие би биле во затвор до крајот на нивниот живот“, додаде тој.

Трамп во неколку наврати ги негираше обвинувањата за каков било заговор со Русија за да ги намали шансите на номинираниот противкандидат од Демократската партија, Хилари Клинтон, за победа за Белата куќа во 2016 година.

Милер го избегна вниманието на јавноста во текот на неговата истрага, која за време на нејзиниот тек резултираше со убедливи обвиненија кон врвни функционери поврзани со кампањата на Трамп, вклучувајќи го и поранешниот шеф на предизборната кампања Пол Манафорт.

Вкупно пет лица тесно поврзани со кампањата се изјасниле виновни по основ на обвиненијата од страна на Милер, вклучувајќи го и поранешниот шеф на кампањата на Трамп, Пол Манафорт; неговиот заменик Рик Гејтс; поранешниот советник за национална безбедност, Мајкл Флин; советникот на кампањата, Џорџ Пападопулос и долгогодишниот адвокат на Трамп, Мајкл Коен.

Но ниту еден официјален претставник поврзан со Трамп не беше обвинет за обвиненија поврзани со обидите за руско влијание.