Трамп говорот за состојбата на нацијата ќе го одржи по завршувањето на блокадата на Владата

ВАШИНГТОН (АА) - Американскиот претседател Доналд Трамп соопшти дека обраќањето на Конгресот за состојбата на нацијата ќе го одржи дури по завршувањето на блокадата на американската Влада, јавува Anadolu Agency (AA).

Американската Влада е соочена со најдолгата блокада во историјата поради несогласувањата меѓу Белата куќа и Конгресот, за планот на Трамп за изградбата на ѕидот на американско-мексиканската граница.

Трамп доцна синоќа изјави дека челничката на Претставничкиот дом на Конгресот, Ненси Пелоси, прво го повикала да одржи говор, а потоа го променила своето мислење.

„Ќе одржам говор кога ќе биде завршена блокадата на Владата. Немам намера да барам алтернативна шанса за говор бидејќи не постои место кое може да ѝ парира на историјата, традицијата и важноста на Претставничкиот дом“, порача Трамп на Твитер.

Блокадата на американската Влада трае веќе 33 дена и повеќе од 800.000 јавни службеници се принудени на неплатена работа и неплатен одмор.