ЊУ ДЕЛХИ (АА) - Судири избија меѓу индиската полиција и локалните жители вчера за време на акција за уривање објекти во близина на џамија во главниот град на Индија, при што се повредени пет полицајци, а пет лица се приведени, јавува Анадолу.

Според индиските медиуми, околу 300 службеници и работници учествувале во акцијата за уривање, која била спроведена врз основа на судска наредба.

Цел на интервенцијата биле објекти кои, според надлежните, нелегално зафаќале државно земјиште и ги прекршувале прописите за сопственост во подрачје во близина на џамија и гробишта во Њу Делхи.

Локалното население се спротивставило на уривањето, по што дошло до судири меѓу жителите и полициските сили присутни на терен.