Сомалија:12 загинати во бомбашки напад врз аеродромот во Могадишу

АНКАРА (АА) - Со две возила полни со експлозив извршен е терористички напад на аеродромот во Могадишу, главниот град на Сомалија. Според првичните информации, во нападот 12 лица ги загубиле своите животи, меѓу кои и војници на Обединетите нации (ОН) и од Мисијата на Африканската унија во Сомалија (АМИСОМ).

Од локални извори се дознава дека со две возила полни со експлозив извршен е нападот пред влезот на аеродромот што го користат војниците на мировните сили.

Од екплозиите што се случиле едноподруго загинале 12-мина кои биле на должност пред капијата на влезот од аеродромот, меѓу кои се наоѓаат и припадници на ОН и АМИСОМ.

Засега не е познат бројот на ранетите. Од екплозијата скршени се прозорците од терминалот, а материјална штета претрпеле и околните згради. Официјалните власти не дадоа никаква изјава поврзана со нападот и засега никој не ја презеде одговорноста за него.

Единствениот аеродром кој функционира во Могадишу, истовремено се користи и како база на ОН и АМИСОМ.