Muhammed Yasin Güngör
16 Декември 2025•Ажурирај: 17 Декември 2025
ИСТАНБУЛ (AA) – Синот на познатиот холивудски режисер Роб Рајнер е приведен и обвинет за убиство, откако неговите родители беа пронајдени мртви во нивниот дом во Лос Анџелес, Калифорнија, соопшти полицијата вчера, јавува Анадолу.
Властите утврдиле дека Роб и Мишел Рајнер се жртви на убиство, а првичната истрага покажала дека за делото е одговорен нивниот син Ник Рајнер (32), се наведува во соопштението на Полициската управа на Лос Анџелес (LAPD).
Ник Рајнер беше уапсен речиси по пет часа откако полицијата реагирала на пријавата за инцидентот во неделата околу 15:40 часот по локално време.
Од полицијата соопштија дека осомничениот се наоѓа во притвор без можност за кауција, иако началникот на ЛАПД, Џим Мекдонел, претходно изјави дека кауцијата била определена на 4 милиони долари.
„Полицијата во неделата интервенираше во домот на Роб и Мишел Рајнер, што се наоѓа во западниот дел на Лос Анџелес“, изјави Мекдонел.
„На местото на настанот биле пронајдени две починати возрасни лица – маж и жена – кои подоцна биле идентификувани како Роб и Мишел Рајнер“, додаде тој.
По неговата актерска улога во ТВ-ситкомот „Сè во семејството“, Роб Рајнер доби признание како режисер во филмовите како „Невестата принцеза“, „Кога Хари ја запозна Сали“ и „Неколку добри луѓе“, кој доби номинација за Оскар за најдобар филм.
Еден од неговите најпознати филмови е „мокументарецот“ од 1984 година „Ова е Спајнал тап“, кој ја прикажува приказната за измислен хеви-метал бенд и неговиот пад. Продолжението, Спајнал тап II: Крајот продолжува, беше објавено во септември годинава.
