Симпатизерите на терористичката организација ПКК со нова провокација во Виена против турскиот претседател

ВИЕНА (АА) - Австрискиот главен град Виена беше подложен на уште една провокација од симпатизери на терористичката организација ПКК против турскиот претседател Реџеп Таип Ердоган, јавува Анадолу.

Со помош на проектор, симпатизерите на терористичката организација вчера покажаа навредливи слогани и визуелни слики насочени кон турскиот претседател Ердоган на фасадата на палатата Хофбург, која се користи како конгресен центар од Организацијата за безбедност и соработка во Европа (ОБСЕ).

На предната страна на палатата беа прикажани пароли како „Собори го диктаторот“ и „Ердоган, изгори во пеколот“, заедно со намерно искривени и грубо фрагментирани слики на претседателот.

Симпатизерите на терористичката организација исто така споделија слики и видеоснимки од нивната провокација преку социјалните мрежи.

Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, вклучувајќи жени, деца и стари лица. ЈПГ е сириски огранок на терористичката ПКК.

Во неделата Турската куќа (Туркеви) во Њујорк, зграда сместена спроти ОН во која се сместени турските дипломатски претставништва, беше нападната од непознато лице или лица. Ердоган ги повика САД веднаш да го фатат „терористот“ одговорен за нападот.