САД бараат проширување на военото присуство во Грција

ИСТАНБУЛ (АА) - „САД бараат проширување на своето присуство во Грција со зголемување на употребата на воените бази и пристаништа во земјата“, изјави началникот на Американскиот здружен генералштаб, Џозеф Данфорд, пренесува Anadolu Agency (AA).

„Ако погледнете географски и ги гледате тековните операции во Либија и Сирија, ги гледате другите потенцијални операции во источниот Медитеран, географијата на Грција и можностите тука се прилично значајни“, изјави Данфорд, кој беше цитиран од американскиот онлајн-магазин „Милитари тајмс“ (Military Times).

Данфорд вчера беше во главниот грчки град Атина за да се состане со грчкиот шеф на одбраната, адмиралот Евангелос Апостолакис.

Во извештајот се вели дека не се идентификувани одредени бази, но се проценети неколку опции од страна на генералот Кертис Скапароти, шеф на американската-европска команда и врховен сојузен командант на НАТО.

„Такви дискусии има генералот Скапароти со другите во моментот, го разгледуваат регионот во однос на тоа каде да ги распоредат своите сили во следните пет до 10 години“, пишува весникот, цитирајќи неименуван официјален претставник.

Данфорд изјави дека САД ќе продолжат да ја користат воздушната база „Инџирлик“ во Турција.

„Интересот на САД во грчките бази не е поврзан со безизлезната состојба меѓу Турција и САД“, додаде тој.