При уривање на рудник во Авганистан загинаа најмалку пет рудари

МЕЗАР-И ШЕРИФ (АА) - Најмалку петмина работници загинаа во рударска несреќа што се случи во северниот дел на Авганистан, јавува Anadolu Agency (AA).

Несреќата се случила во рудникот за црн јаглен во Саманган, а портпаролот на канцеларијата на гувернерот на тој регион, Сидик Азизи, соопшти дека горски удар (придвижување на почвата) предизвикал уривања во рудникот.

Истиот извор објави дека спасувачките екипи спасиле четворица рудари, а извлечени се телата на петмина загинати.

Спасувачките екипи сѐ уште трагаат по телото на уште еден рудар кој останал заглавен во јамата.