Поранешен агент на ЦИА осуден на 20 години поради оддавање тајни на кинески разузнавачи

АНКАРА (AA) - Поранешниот агент на американската Централна разузнавачка агенција (CIA), Кевин Малури, осуден е на 20 години затвор поради оддавање воени тајни на Кина, јавува Anadolu Agency (AA).

Американското Министерство за правосудство потврди дека 62-годишниот поранешен агент на ЦИА е обвинет за шпионирање во име на Кина и осуден во јуни минатата година.

Во времето кога работел во ЦИА, Малури, кој имал пристап до доверливи информации и тајни податоци, откри дека продавал воени тајни на кинески разузнавач.

Обвинителите на Министерството за правосудство навеле дека надзорните камери снимале како Малури скенира доверливи документи на дигитална мемориска картичка и дека во март и април во 2017 година во Шангај се состанал со кинески агент.

„Овој случај покажува загрижувачка тенденција меѓу поранешните агенти на ЦИА кои Кина ги таргетирала да ги шпионираат своите земји и колеги“, рече заменик-американскиот државен обвинител Џон Демерс.

Претходно овој месец и поранешен вработен во ЦИА ги прифати обвиненијата со кои се обвинува дека имал договор со кинеските разузнавачки служби за продавање информации за американската национална одбрана.

Џери Чун Шинг Ли, кој во 2007 година ја напуштил ЦИА, а минатата година е уапсен на подрачјето на САД, пред американскиот суд призна дека имал договор со кинеските разузнавачи за продажба на информации за американската национална одбрана кои биле под категоријата „тајно“.

Ли е обвинет дека во име на Кина вршел шпионирање, а пред Регионалниот суд во градот Александрија, во сојузната држава Вирџинија, ја призна вината и рече дека имал таен договор со Кина за собирање и испорака на информации.

Ли (54), за ЦИА работел во периодот од 1994 до 2017 година, а се претпоставува дека контактот со кинеската разузнавачка служба го остварил во текот на 2010 година.