ПАРИЗ (АА)
- Алаатин ДОГРУ / Есра ТАШКИН
Средношколецот Алтај во Франција, по потекло од Турција, бил заплашен од неговиот учител и од училиште со затвор и парични казни, затоа што ги негирал наводите на својот учител во врска со настаните од 1915 година.
Средношколецот исто така бил испрашуван од француските разузнавачки единици за неговиот муслимански идентитет и екстремизам.
И покрај тоа што спротивставувањето на наводите на Ерменците во врска со настаните од 1915 година не е кривично дело според францускиот закон, Алтај, кој не ги прифати ерменските тези и обвинувањата за геноцид што ги кажа неговиот учител на часот по историја на 2 јуни, се соочи со закани за затвор, заплашување и обиди да биде поврзан со радикализам.
Алтај и неговото семејство, кои не ги споделија своите презимиња од безбедносни причини, за дописникот на АА ги раскажаа своите искуства.
Средношколецот Алтај, кој живее во регионот Бургоњ-Франш-Комт, рече дека неговиот учител половина од двочасовниот час го посветил на ерменските обвинувања и дека 40 минути говорел дека Турците убивале Ерменци и цивили.
„На крајот не можев да издржам, смирено го прашав ‘Дали има докази?‘ Наставникот се налути и ми рече: 'Како можеш да се спротивставиш на тоа?' Јас смирено го кажав она што го знаев. Еден друг викајќи дојде до мене. Повторно ја задржав смиреноста“, рече Алтај, додавајќи дека наставникот го исплашил дека ќе биде осуден на затвор поради неговиот приговор на наводите.
Алтај исто така нагласи дека училишната администрација, која закажала состанок со неговиот татко во петокот, на 4 јуни, го обвинила за „негирање на ерменскиот геноцид“ и му рекла дека може да биде казнет со една година затвор.
Алтај истакна дека по малото истражување што го направил видел дека тоа не е кривично дело според законот во Франција, и дека Европскиот суд за човекови права не обврзува настаните од 1915 година да се дефинираат како геноцид.
Исто така додаде дека на 9 јуни од француските разузнавачки единици бил повикан на испрашување.
- Повикан за ерменското прашање, а испрашуван за радикализмот и муслиманскиот идентитет
Младиот средношколец Алтај, истакнувајќи дека разузнавачките единици го известиле дека не сторил ништо незаконско и забрането и дека биле многу љубезни, рече дека и покрај тоа, го прашување за имињата на неговите браќа, сестри, за името на неговата мајка, а исто така им ги зеле лозинките на нивните профили на социјалните мрежи и поставувале прашања за религијата.
„Ми поставуваа прашања дали сум муслиман, дали ја практикувам својата религија, дали се клањам. Дури ме прашаа и дали припаѓам на некоја група. Реков дека не припаѓам“, рече Алтај, додавајќи дека за време на тој процес бил под голем стрес, не можел да се концентрира на испитите и дека е сериозно загрижен за својата иднина.
„На училиште не сакав да зборувам и да кревам рака. Се двоумев дали да одам на училиште, сите знаеја што се случува“, додаде Алтај.
Таткото Ајдин исто така изјави дека се јавил во училиштето по пораката „Итно повикај ме“, што наставникот на Алтај ја пратил на неговиот мобилен телефон.
Откако се јавил, наставникот му рекол: „Твојот син се соочува со многу лош инцидент, може да биде казнет парично, или осуден на затвор.“
Откако отишол во училиште, таткото Ајдин на состанокот ја истакнал слободата на изразување во Франција и дека не може да се ограничи слободата на изразување на неговиот син.
„Немојте да ја кршите самодовербата на моето дете, многу е важно сега тој да зборува на училиште и да ги изразува сопствените мисли“, подвлекол таткото Ајдин.
- „Ако е кривично дело, дајте дисциплинска казна“
Откако на состанокот наставникот го опишал како големо кривично дело она што го сторил Алтај, таткото Ајдин истакнал: „Ако е кривично дело, дајте му дисциплинска казна, дајте му двонеделна суспензија од училиште.“
Изјавувајќи дека разузнавачките единици кои ги повикале следната недела биле многу љубезни, Ајдин рече:
„За ерменското прашање разговаравме само една минута, а потоа зборувавме за радикализмот и религијата. Ме прашаа дали сме верници, дали клањаме, што правиме по работа, дали спортуваме и какви видеа гледаме, го истражуваа тоа“, нагласи таткото Ајдин.
Ајдин истакна дека на состанокот рекол дека се обични муслимани и дека не можат да бидат повлечени на некоја друга страна.
Наведувајќи дека Турскиот конзулат во Стразбур и адвокатите кои ги контактирале им дале совет да останат смирени за иднината на Алтај и за настаните да не ескалираат, таткото Ајдин рече дека тие се под голем стрес од денот на инцидентот поради заканите со кривични дела и затворска казна.
„Од тој ден малку сум во депресија. Бидејќи бев многу загрижен, ми дадоа боледување. Психологијата на мојот син се влоши во овој процес. Во Франција никој не нѐ поддржуваше во однос на ова прашање. Само моите колеги ме поддржаа“, додаде таткото Ајдин.
- Обидот на Франција да ги казни оние што се противат на ерменските обвинувања, заглави во слободата на изразување
Мајката Ајсел, истакнувајќи дека е сериозно загрижена за иднината на нејзиниот син, рече дека се плаши да не му направат нешто на улица.
„Моето дете не уби, не повреди никого и не украде“, рече мајката Ајсел, додавајќи дека се чувствува маргинализирана, но дека им верува на своите деца во секој поглед.
Во Франција со законот донесен на 29 јануари 2001 година во Франција, настаните од 1915 година беа признати за наводен „геноцид“.
Со законот од 2012 година за казнување на оние што го одбиваат тоа, беше поништен од Уставниот совет бидејќи беше утврдено дека е спротивен на слободата на изразување.
