Murat Temizer
02 Декември 2022•Ажурирај: 05 Декември 2022
ЛОЃ (АА) - Заврши 29. состанок на Министерскиот совет на Организацијата за безбедност и соработка во Европа (ОБСЕ), кој се одржа во градот Лоѓ, Полска, јавува Агенција Анадолија (АА).
По завршувањето на овој состанок на ОБСЕ со кој претседава Полска, полскиот министер за надворешни работи, Збигњев Рау, го одржа завршниот говор во кој истакна дека успехот на Организацијата е поврзан со членките.
Рау укажа на важноста на дипломатијата и истакна дека дипломатијата може да промени сè.
Рускиот министер за надворешни работи, Сергеј Лавров, не беше поканет на состанокот на кој присуствуваа 56 од 57-те земји членки на ОБСЕ.
На состанокот се разговараше за Руско-украинската војна и регионалните случувања.
Во рамки на состанокот се одржаа многу билатерални средби меѓу официјални претставници и беа дадени изјави со кои се критикува Русија и се повикува на дипломатија.
На состанокот присуствуваше и министерот за надворешни работи на Северна Македонија, Бујар Османи, чија земја ќе го преземе претседавањето со ОБСЕ во 2023 година.
