Париз избран за европска престолнина на иновации

ПАРИЗ (AA) - Европската комисија го прогласи Париз за главен европски град на иновации (iCapital 2017) и му додели парична награда од милион евра, јавува Anadolu Agency (AA).

Во соопштението на Европската комисија се наведува дека Париз е пример за добра стратегија на иновации и инкузија во општеството.

Наведено е дека Париз издвојува пет отсто средства од буџетот за проекти кои ги предлагаат и реализираат граѓаните.

Францускиот главен град во изминатите десет години го изградил најголемиот кампус за старт ап бизнис.

Градоначалничката на Париз Ан Хидалго прими престижна награда во Лисабон и најави отворање на училиште за иновации.

Во конкуренција за iCapital2017 беа номинирани уште и Талин и Тел Авив, а како кандидати добија парични награди во износ по 100.000 евра.

Паричните награди се наменети за поттикнување и развој на иновации во тие градови.