Околу 700 жени обучени во првата Поликлиника за приспособување мајка-бебе отворена во северна Сирија пред два месеци

Џарабулус

- Омер КОПАРАН

За важноста на мајчиното млеко и правилните техники на доење обучени се 694 жени во првата Поликлиника за приспособување на мајката и бебето, пуштена во употреба пред околу два месеци во градот Џарабулус, кој беше ослободен од терористите во операцијата „Штитот на Еуфрат“ во северна Сирија, пишува Агенција Анадолија (АА).

Со поддршка на Турција беше отворена првата Поликлиника за приспособување мајка-бебе во болницата „Џарабулус“, лоцирана во центарот на градот, која беше исчистена од тероризам со операцијата „Штитот на Еуфрат“.

Во поликлиниката, која беше пуштена во употреба пред околу два месеци, се спроведуваат програми за обука за мајките и идните мајки да израснат здрави индивидуи.

Обуките за техники на доење и важноста на мајчиното млеко ги посетуваат 694 жени.

Благодарение на дадените обуки, бебињата полесно се хранат, породувањата се прават во здрави средини и се спречуваат болести како што се дислокација на колкот, респираторна инсуфициенција и жолтица.

Може да се забележи дека обуките што се спроведуваат во Одделението за нега на новороденчиња во болницата „Џарабулус“ се од корист, бидејќи стапката на зафатеност на болницата од 80 % забележана минатата година, преполовена е во последните два месеци.

- Намалена е стапката на болести поврзани со неухранетост

Хасрет Јилдизоглу, главната медицинска сестра, консултант за хуманитарна помош во болницата „Џарабулус“, за АА зборуваше во врска со обуката што се одржува во поликлиниката, која беше пуштена во употреба во подрачјето во кое живеат десетици илјади цивили.

„Пред два месеци, во болницата „Џарабулус“ беше отворена Поликлиника за приспособување мајка-бебе. Во овој период, на 694 жени им беше дадена обука за важноста на мајчиното млеко и техниките на доење. Во поликлиниката беше спроведено испитување на очите на 295 бебиња, а на 403 бебиња им беше испитана можноста од дислокација на колкот“, рече Јилдизоглу.

Наведувајќи дека шест од осум бебиња во Одделот за интензивна нега во 2020 година биле хоспитализирани од болести поврзани со неухранетост, Јилдизоглу рече дека оваа стапка е намалена за половина во последните два месеци.

„Наша цел е оваа стапка да ја доведеме на нула. Наша цел со обуките што ги обезбедуваме во оваа поликлиника процентот на породувањата дома да ги намалиме на нула“, истакна Јилдизоглу.

- Поликлиниката дава услуги во 21 специјалност

На 26 септември 2016 година во употреба е пуштена болницата „Џарабулус“, првиот објект отворен во регионот ослободен во операцијата „Штитот на Еуфрат“.

Болницата е отворена во реновираната зграда што претходно беше училиште; болницата со капацитет од 75 кревети, има 3 операциони сали, одделение за дијализа со капацитет од 10 уреди, сала за породување, одделение за интензивна нега со 8 кревети, 8 инкубатори и поликлинички услуги во 21 специјалност.