Од почетокот на израелските напади во Појасот Газа загинаа најмалку 33.360 Палестинци

ИСТАНБУЛ (АА) – Најмалку 153 Палестинци загинаа, а 60 се ранети во израелските напади во блокираниот Појас Газа во изминатите 24 часа, јавува Анадолу.

Министерството за здравство во Појасот Газа соопшти дека израелските сили ги продолжуваат нападите што траат веќе 186 дена.

Во соопштението се наведува дека се загинати најмалку 33.360 Палестинци, а 75.993 се ранети во нападите што Израел ги започна на 7 октомври досега во Појасот Газа.

„Многу луѓе сѐ уште се заробени под урнатините и на патиштата бидејќи спасувачите не можат да стигнат до нив“, се вели во соопштението.