Elvir Hocic
28 Мај 2017•Ажурирај: 29 Мај 2017
САН ФРАНЦИСКО (АА) - Научниците од Универзитетот „Беркли“ во Калифорнија произведоа нова генерација на роботи со префинета вештина за земање и преместување на предмети без притоа да ги оштети, јавува Anadolu Agency (AA).
Вештиот робот „DexNet 2.0“ мина низ таканаречениот процес на „длабоко учење“ и со успех од 99 отсто ги зема и ги преместува предметите со неправилна форма како чевли, шишиња или кутии.
Кревањето и преместувањето на таквите предмети за човекот е лесна работа, а досегашните генерации на роботи се соочуваа со проблем при таквата задача, бидејќи не „знаеја“ каде и колку да го стегнат предметот.
Роботот „DexNet 2.0“ е опремен со посебна база на тридимензионални форми кои содржат повеќе од 6,7 милиони податоци што роботот ги користи како нервен систем за одредување на начинот на кој ќе зема и ќе ги преместува предметите со неправилна форма. Овој систем е ускладен со сензор и рака што ја извршува задачата.
Секој објект кој ќе се стави пред роботот веднаш по зададената задача ќе стане предмет на неговото набљудување и утврдување на тоа каде и како да го земе.
Речиси без грешка, и трипати побрз од сите претходни верзии, роботот „DexNet 2.0“ наскоро би можел да се најде и во индустријата.
