Мосул: Во бомбашки напади на ДЕАШ загинаа девет полицајци

МОСУЛ (АА) - Најмалку девет полицајци загинаа, додека тројца се ранети во вчерашните бомбашки напади на ДЕАШ во западен Мосул, јавува Anadolu Agency (AA).

Ирачкото безбедносно официјално лице, Сафа ал-Бехадли, за Anadolu Agency (AA) изјави дека терористи на ДЕАШ активирале четири бомби натоварени во автомобили на локација каде биле стационирани полициските сили, на западната страна на Мосул. Тој изјави дека во нападите се уништени и две борбени возила.

Во октомври минатата година ирачките сили, поддржани од воздух од коалицијата на чело со САД и локалните сојузници од копно, започнаа опсежна операција на преземање на Мосул, последниот бастион на ДЕАШ во северен Ирак, кој терористичката група го зазеде во 2014 година.