Лондонска полиција: Напаѓачот делувал сам

ЛОНДОН (АА) - Лондонската полиција соопшти доцна синоќа дека Калид Масуд, осомничен за нападот во британскиот парламент во Лондон, дејствувал сам, пренесува Anadolu Agency (AA).

Нил Басу, заменик-помошник комесар на лондонската полиција, изјави дека нападот траел само 82 секунди, пред Масуд да биде убиен.

„Сè уште сметаме дека Масуд дејствувал сам и засега немаме информации кои укажуваат на тоа дека се планирани нови напади“, рече Басу.

Масуд (52) роден во Кент, јужна Англија, во средата уби четири лица, а повредни околу 50 кога со автомобил влета меѓу пешаците на мостот Вестминстер. Тој е убиен од страна на полицијата откако со нож усмрти полицаец.

Одговорноста за нападот ја презеде терористичката организација ДЕАШ, нарекувајќи го напаѓачот како еден од своите „војници“.