Кенија: 3,5 милиони луѓе се соочуваат со ризик од глад

ИСТАНБУЛ (АА) - Во Кенија, една од источноафриканските земји, 3,5 милиони луѓе се изложени на ризик од глад поради сушата, пренесува Агенција Анадолија (АА).

Во соопштението на Националната агенција за управување со сушата на Кенија се нагласува дека кризата со храна е поврзана со сушата во земјата.

Во ова соопштение се наведува дека ефектот од сушата е зголемен и дека бројот на лица кои се соочуваат со кризата со глад е зголемен на 3,5 милиони низ целата земја.

Според соопштението, на милиони луѓе во земјата им е потребна поддршка со храна.

Исто така во соопштението се вели дека особено регионите Баринго, Исиоло, Мандера, Марсабит, Самбуру, Туркана, Ваџир, Килифи, Ламу, Нјери, Западен Покот, Лаикипија и Гариса се во критична состојба.

- „Најлошата суша“ од 1980-тите

Најсилниот бран на суша во Источна Африка од 1980-тите доведе до состојба во која гладуваат речиси 13 милиони луѓе.

Фактот што врнежите беа многу пониски од очекуваните во три последователни дождовни сезони ја поттикна новата криза со храна.

Обединетите нации (ОН) соопштија дека добитокот почнал да умира поради сушата, а семејствата ги напуштиле домовите поради недостиг на вода и проблеми со храната.

Недостигот на чиста вода доведе и до ширење на епидемии преку миграцијата.​