Ирачки вицепретседател: Хуманитарната ситуација во Мосул е катастрофална

БАГДАД (АА) - Ирачкиот заменик-претседател, Осама aл-Нуџаифи, предупреди за катастрофалната хуманитарна состојба во Мосул, каде што ирачката армија се обидува да ја отстрани терористичката група од последното упориште во северен Ирак, јавува Anadolu Agency (AA).

„Ситуацијата е катастрофална поради гладот и недостатокот на храна и лекови, градот е во неподнослива ситуација, изјави Ал-Нуџаифи на партиски состанок доцна синоќа.

Тој изјави дека стотици илјади семејства ги послушале повиците од владата да не ги напуштаат своите домови и градот.

„Сепак, тие сега поминуваат низ невидена голгота“, вели тој.

Во октомври, ирачката армија поддржана од воздушните напади на коалицијата предводена од САД и локалните сојузници на копно, започна опсежна операција за ослободување на Мосул од терористичката организација ДЕАШ.

Според ирачките власти, 400.000 цивили се раселени од западниот дел на Мосул од почетокот на операциите против ДЕАШ.

Невладините организации предупредија дека цивилите во Мосул живеат во тешки хуманитарни услови како резултат на месечната блокада на градот и недостатокот на основни средства и услуги, како и електрична енергија.