Ирак забрани три партии поради поврзаност со терористичката ПКК

БАГДАД (АА) - Врховниот судски совет на Ирак денес го забрани работењето на три партии поради поврзаност со терористичката организација ПКК, јавува Анадолу.

Во соопштението, Советот ги прогласи за нелегални партијата Слобода и демократија на Езидите, Фронт за демократска борба и партијата Слобода на заедницата на Курдистан и нареди конфискација на нивниот имот.

Забраната на овие партии дојде по жалба на Советодавниот совет за национална безбедност на земјата и по потврдата на ирачкото разузнавање и Кабинетот на премиерот дека овие партии имаат поврзаност со терористичката организација ПКК.

На 23 јули ирачката Влада издаде директива државните институции да ја нарекуваат терористичката организација ПКК „забранета организација“ во официјалната кореспонденција.

Претходно ирачката Влада ја прогласи терористичката организација ПКК за „забранета организација“.

Во својата 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца и жени.