Индија: Осум лица загинаа при рушење на станбена зграда

ЊУ ДЕЛХИ (АА) - Најмалку осум лица загинаа откако се сруши станбена зграда во јужната сојузна индиска држава Тамил Наду, јавува Anadolu Agency (AA).

Полицијата во Индија потврди дека зградата што се сруши е сопственост на автобуска компанија од државата Тамил Наду, и наведе дека причината за оваа несреќа сѐ уште е непозната.

Исто така, беше нагласено дека во несреќата загинаа најмалку осум лица, кои останаа затрупани под урнатините.

Во врска со случајот е започната истрага, а локалните медиуми пишуваат дека станува збор за објект стар 65 години, на чии ѕидови претходно биле забележани пукнатини.