Израел изврши воздушен напад во Сирија

ЕРУСАЛИМ (АА) - Израелската Војска соопшти дека со воени авиони погодила позиции на одредени групи поддржани Иран, во близина на сирискиот главен град, Дамаск, пренесува Anadolu Agency (AA).

Според писменото соопштение на прес-службата на израелската Војска, погодени се позициите на Ерусалимските бригади, во околината на местото Акраба, кое се наоѓа во североисточниот дел на Дамаск.

Се тврди дека последните денови се планирало од овие позиции да се вршат бројни напади со вооружени беспилотни летала од Сирија во Израел.

Од друга страна, во веста на новинската агенција САНА на Асадовиот режим, која се заснова врз изјавата на воен извор, се вели: „Нашите воздушно-одбранбени системи досега ги уништија повеќето од проектилите на непријателот Израел, без тие проектили да стигнат до нивната цел.“