Mahmoud Barakat
24 Мај 2018•Ажурирај: 25 Мај 2018
ЕРУСАЛИМ (АА) - Израелската Влада планира изградба на 3.900 нови станбени единици за еврејкото население во окупираниот Западен Брег, пренесува Anadolu Agency (AA).
Израелскиот министер за одбрана, Авигдор Либерман, на својот профил на Твитер денес објави дека планот за изградба на 2.500 нови станбени единици ќе биде предложен до израелскиот Совет за планирање. Изградбата ќе започне со 1.400 единици, кои се веќе одобрени.
Либерман продолжи да тврди дека експанзијата на еврејските населби ќе продолжи и во „Јудеја и Самарија“, што претставува израз кој локалното население го користи за да го опише окупираниот Западен Брег.
Според наводите на „Ерусалим пост“ (Jerusalem Post), известувањето за новата изградба се добило брзо откако палестинскиот министер за надворешни работи, Ријад ал-Малики, побарал од Меѓународниот кривичен суд (ICC) во Хаг да ја истражи илегалната изградба на населбите на Западниот Брег и воените злосторства.
Наредната недела Советот за планирање ќе ги разгледа додатните проекти поврзани за 30 блокови на населби на Западниот Брег.
Во весниците се наведува изјавата која ја издаде Кабинетот на Либерман, во која тој соопштува дека најголемите изградби ќе се одвиваат во блоковите на населбите Ариел и Мале Адумим.
Продолжението на изградбата на новите станбени единици на окупираниот Западен Брег веќе долго време се смета за главна пречка воспоставена со Мировниот договор меѓу Израел и Палестина.
