Esra Taşkın
03 Февруари 2022•Ажурирај: 04 Февруари 2022
ПАРИЗ
Во извештај објавен во Франција се наведува дека во земјата е зголемен бројот на бездомници и бројот на оние кои се изложени на лоши услови за домување, а политиките на претседателот Емануел Макрон се недоволни, пренесува Агенција Анадолија (АА).
Фондацијата „Абе Пјер“ во својот годишен извештај за условите за домување во Франција, ја наведе несоодветноста на политиките за домување на Владата на Макрон.
Посочувајќи дека од 2012 година има „експлозија“ на бројот на бездомници во земјата, во извештајот се нагласува дека 4,1 милион луѓе низ Франција се обидуваат да преживеат во лоши услови за домување.
Во извештајот, исто така, се потсетува и на изјавата на Макрон од 2017 година за време на изборната кампања: „Не сакам повеќе да гледам бездомници и жени на улица.“
Во земјата, според извештајот, во моментов има 300.000 бездомници.
Исто така, се нагласува дека околу 14,7 милиони луѓе во Франција имаат потешкотии во домувањето, а од мај 2021 година вкупно 22.189 луѓе, од кои 5.965 се малолетни деца, живеат во сиромашни квартови.
Во извештајот, во кој се објавени и зборовите на претседателот на Фондацијата, Лорен Демард,дека Владата од 2017 година „нерамномерно“ ги одредува буџетските и финансиските средства и дека ваквата состојба предизвикува исклучувања од општеството и осиромашување.
- Најсиромашните во земјата и во времето на Макрон остануваат да бидат „заборавени“
Во извештајот, исто така, се истакнува дека кризите со „Жолтите елеци“ и Ковид-19 ѝ дадоа можност на Владата да ги поддржи домаќинствата со ниски приходи и да обезбеди повеќе засолништа за нив, но тоа е игнорирано.
„Најсиромашните во земјата и во времето на Макрон остануваат да бидат заборавени“, се додава во извештајот.
Во извештајот се нагласува дека во 2022 година во Франција се скратени до 4,2 милијарди евра од буџетот за помош за изнајмување на домови и дека структурните реформи на Владата, како што е осигурувањето за невработеност, ги казнува луѓето со ниски примања.
Меѓу другото, во извештајот се наведува дека бројот на социјални станови изградени во времето на Макрон во 2020 година е на најниско ниво во последните 15 години.
Се посочува дека најголем дел од младите на возраст од 18 до 25 години се соочуваат со проблеми и дека голем дел од нив имаат потешкотии во згрижувањето поради малите примања и плати.
