Американската војска ќе започне со исклучување на војниците од службата кои одбиваат да се вакцинираат

ВАШИНГТОН

Американската војска вчера (среда) соопшти дека веднаш ќе започне со исклучување на војниците од службата, кои одбиваат да се вакцинираат против Ковид-19, јавува Агенција Анадолија (АА).

Секретарката на Армијата, Кристин Вормут, според налогот, побара од командантите да започнат административна постапка за исклучување против секој војник кој одбива да се вакцинира и против оние кои немаат добиено одобрение или не им е во тек барање за изземање.

Налогот се однесува на сите војници, кадети и војници од активна и резервна компонента.

„Подготвеноста на војската зависи од војниците кои се подготвени да тренираат, распоредуваат, борат и победат во војните на нашата нација,“ изјави Вормут во соопштението. „Невакцинираните војници претставуваат ризик за силите и ја загрозуваат подготвеноста. Ние ќе ја започнеме постапката за неволно исклучување на војниците кои одбиваат да се вакцинираат и не чекаат конечна одлука за изземање.“