Земјата со најмоќен пасош во светот е Јапонија

АНКАРА (АА) - Јапонија е земјата која го има најмоќниот пасош во светот, со пристап до најголем број дестинации во светот, пренесува Anadolu Agency (AA).

Според индексот Хенли Паспорт (Henley Pasaport), најмоќната патна исправа во 2018 година, со можност за безвизен пристап до 189 дестинации во светот, е пасошот на Јапонија.

Според овој индекс, на втората позиција со влез без виза во 188 дестинации во светот се пасошите на Сингапур и Германија, а третата позиција ја делат пасошите на Јужна Кореја, Финска, Франција, Италија, Шпанија и Шведска.

Македонија на оваа листа се наоѓа на 41. место, со безвизен влез во 125 дестинации во светот.

Листата на земјите од регионот е следна:

6. Грција со безвизен влез во 183 дестинации,

9. Словенија со безвизен влез во 180 дестинации,

16. Бугарија, Хрватска и Романија со безвизен влез во 169 дестинации,

36. Србија со безвизен влез во 130 дестинации,

43. Црна Гора со безвизен влез во 123 дестинации,

47. БиХ со безвизен влез во 118 дестинации,

48. Албанија со безвизен влез во 114 дестинации,

49. Турција со безвизен влез во 111 дестинации,

91. Косово со безвизен влез во 44 дестинации.

Индексот Henley Pasaport се базира врз податоците на Меѓународното здружение за воздушен транспорт (ИАТА). Индексот разгледува 199 патни исправи и 227 дестинации.