Зеленски: Бахмут не е под окупација на Русија

АНКАРА (АА) - Претседателот на Украина, Владимир Зеленски, ги отфрли руските тврдења и рече дека украинскиот град Бахмут не е под окупација на руските сили, известува Анадолу.

По повод изјавата на руското Министерство за одбрана дека го зазеле градот Бахмут во Доњецката Област, Зеленски изјави: „Бахмут денес не е окупиран од страна на Руската Федерација.“

Зеленски на маргините на самитот на лидерите на Групата Г7 во јапонскиот град Хирошима ги отфрли тврдењата на лидерот на парамилитантната група „Вагнер“ и руското Министерство за одбрана, кои изјавија дека ја презеле целосната контрола во Бахмут.

„Бахмут денес не е окупиран од страна на Руската Федерација. Нема два или три преводи на овие зборови“, рече Зеленски.

Тој истакна дека не може да ја изнесува својата стратегија на дејствување на украинските сили на теренот.

„Во моментов, Русија не може да нè окупира, не може да победи во оваа војна“, порача Зеленски.