Западен брег: Палестинско момче убиено од истрели на израелската војска

РАМАЛА (АА) - Палестинско момче вчера им подлегна на раните здобиени во текот на судирите со израелската војска во окупираниот Западен брег, соопшти палестинското Министерство за здравје, пренесува Анадолу.

Шеснаесетгодишен Палестинец е застрелан во грб на влезот во бегалскиот камп Ал-Аруб, северно од градот Хеброн.

Локални извори за Анадолу изјавија дека судирите избувнале на влезот на кампот, по што израелските војници употребиле солзавец, гумени и вистински куршуми.

Ранетото момче е префрлен во болницата Ал Јамамах, во Витлеем (Бејтулахим), каде лекарите констатирале смрт.

Судирите обично избувнуваат меѓу Палестинците и израелските војници стационирани на влезот во кампот Аруб, северно од Хеброн.