Забраната за носење шамија во спортот наиде на бурни реакции во Франција

ИСТАНБУЛ (АА) - Францускиот предлог-закон за забрана за носење шамии во спортот наиде на бурни реакции денес од Студентите муслимани од Франција (ЕМФ), јавува Анадолу.

ЕМФ, национална студентска организација, na платформата X предлог-законот го нарече „расистички, исламофобичен и сексистички“, нагласувајќи преку дека ги поткопува принципите на еднаквост.

Оваа недела францускиот Сенат ќе расправа и ќе гласа за предлог-законот што има цел да ја прошири забраната за верски симболи, меѓу кои и за шамиите, на сите спортски натпревари во Франција.

„Под маската на одбрана на државјанството и јавниот ред, всушност, тоа создава подграѓани“, рече ЕМФ, додавајќи дека спортот сѐ повеќе се користи како сцена за дискриминација.

Организацијата истакна дека треба итно спротивставување на „политиката на контрола и санкции“ насочени против муслиманите.

ЕМФ го карактеризира предлог-законот, претставен минатата година од конзервативниот политичар Мишел Савин, како „фантазија за сепаратизам“ во спортот што се потпира на „неодредени и маргинални личности“ за да се создаде „јавен проблем“.

„Јавниот простор не смее да стане место на ексклузија“, додаде ЕМФ, нагласувајќи дека спортот мора да биде достапен за сите.

Покрај забраната за носење шамии, предложената легислатива, исто така, бара да се забранат и заедничките молитви во спортските објекти финансирани од јавноста.

Вчера Амнести интернешнал ги повика француските пратеници да го отфрлат предлог-законот.

Во 2022 година францускиот Сенат отфрли уште еден обид да се забрани религиозното покривање на косата во спортот.

Дури и ако сенаторите го поддржат предлог-законот оваа недела, тој сепак мора да биде одобрен од поделениот Долен дом на Франција за да стане закон.