Железничка несреќа во Бангладеш: 15 загинати

ДАКА

Во источниот дел на Бангладеш се случи железничка несреќа во која дојде до судир на два воза. Во оваа несреќа животот го загубија најмалку 15 лица, јавува Anadolu Agency (AA).

Според вестите објавени во медиумите во Бангладеш, на 100 километри источно од главниот град Дака, во подрачјето Брахманбарија, дошло до судир на возови кои од Читагонг се движеле кон Дака, во 3:00 часот по локално време.

Спасувачките екипи информирале дека на местото на несреќата се пронајдени безживотните тела на 15 патници, а повредени се најмалку 40 лица.

Претставниците на власта информираа дека повредените се префрлени во болниците, но ја изразија својата загриженост од зголемувањето на бројот на загинати.

Засега нема информации за причината за несреќата.