ИСТАНБУЛ (АА) – Најмалку една жена загина, а девет лица се повредени, меѓу кои седуммина пожарникари, во јужниот француски департман Од кој се соочува со најголемиот шумски пожар ова лето, соопштија локалните власти денес, јавува Анадолу.

Пожарот избувнал на 5 август во општината Рибо и досега зафатил над 11.100 хектари во 15 општини, при што едно лице се води за исчезнато.

„На терен се распоредени огромни ресурси, 1.500 пожарникари работеа и ноќта, а испратени се и 320 пожарникари за поддршка“, се вели во соопштението.

Метео Франс предупреди дека температурите ќе се зголемат до четврток попладне, особено на југот на земјата и ќе бидат значително над просечните за ова време од годината.

Од вчера и југозападниот шпански град Кадиз се бори со шумски пожар и евакуирани се над 5.000 возила и голем број граѓани, според јавниот радиодифузер РТВЕ.

Пожар изби и во градот А Коруња, каде што вонредната состојба е подигната на ниво 2 поради близината до населените места.

Засега се зафатени најмалку 20 хектари.

Шпанската метеоролошка агенција Аемет за неколку региони одреди портокалова тревога до петок, со температури што се очекува да достигнат 42°C.

Од вчера и во Португалија има повеќе пожари. Најсериозен е пожарот во градот Амаренте, кој и натаму е активен, според „РТП њуз“.

Главниот град Лисабон прогласи состојба на тревога до 7 август, поради новиот топлотен бран што се засили за време на викендот.

Денес повеќе од 100 општини низ земјата се со највисоко ниво на ризик од пожари.