Египет по воздушен пат достави хуманитарна помош во Појасот Газа

АНКАРА (АА) – Египетските воздухопловни сили денес доставија хуманитарна помош во блокираниот Појас Газа, јавува Анадолу.

Повикувајќи се на неименувани воени извори, египетскиот јавен сервис „Ал Кахера“ пренесува дека операцијата за испуштање помош од авионот била извршена во соработка со Јордан и Обединетите Арапски Емирати (ОАЕ).

Истиот извор наведува дека во северниот дел на Газа биле пуштени десет тони хуманитарна помош.

Помошта на ист начин беше доставена и до централните делови на Појасот Газа.

Истиот извор јавува дека Египет планира да продолжи со ваквите хуманитарни акции.