Десетгодишно палестинско девојче ги преживеа нападите на израелските сили во Газа

АНКАРА (АА) - Надин Абдулатиф, 10-годишно палестинско девојче, ги преживеа нападите на израелските сили врз кампот „Ал Шати“ во Газа, пренесува Агенција Анадолија (АА).

„Гледате, јас навистина не спијам добро ноќе овие денови. Слушнав ракети и ракетата што ја уништи оваа куќа беше толку гласна што прозорецот на мојата соба речиси се скрши“, рече Абдулатиф во видеото што го објави турскиот радиодифузер „ТРТ Ворлд“ на Твитер вчера.

„Немаме ништо, немаме пиштоли или ракети. Немаме со што да се заштитиме. Со нас ја имаме само божјата моќ“, рече таа на видеото.

Бројот на жртви во израелските напади врз Појасот Газа вчера се искачи на 197, вклучувајќи 58 деца и 34 жени, соопшти палестинското Министерство за здравство.

Бројот на повредени достигна 1.235, додека десетици згради беа уништени или оштетени.

Неодамнешните тензии што започнаа во Источен Кудс (Ерусалим) во муслиманскиот свет месец Рамазан се проширија и во Газа, откако тамошните палестински групи за отпорот ветија дека ќе се одмаздат за израелските напади врз џамијата „Ал-Акса“ и Шеик Џарах, доколку не бидат запрени.

Израел го окупираше Источен Кудс, каде што се наоѓа „Ал-Акса“, за време на Арапско-израелската војна во 1967 година. Таа земја го анектираше целиот град во 1980 година, во потег што никогаш не беше признат од меѓународната заедница.