Грција подготвена да го испрати системот за противвоздушна одбрана „Кротал“ во Франција за Летните олимписки игри

АТИНА (АА) - Грчкиот министер за одбрана Никос Дендиас изјави дека се подготвени на Франција да ѝ го обезбедат противвоздушниот одбранбен ракетен систем „Кротал“ за Летните олимписки игри во Париз 2024 година, доколку поднесе писмено барање, јавува Анадолу.

Дендиас во обраќањето пред новинарите во Солун, рече дека одлуката сега е на Франција.

Осврнувајќи се на Договорот за соработка во областа на одбраната меѓу двете земји, Дендиас рече дека е природно Грција да ја поддржи Франција за време на Летните олимписки игри кои се одржуваат оваа година.

По повод тврдењата во грчките медиуми дека Атина во Украина ќе испрати системи за противвоздушна одбрана Патриот и С-300 во Украина, Дендиас одговори дека такво нешто не доаѓа предвид.

Противвоздушниот одбранбен ракетен систем „Кротал“ е еден од најуспешните проекти за ракетни системи направени досега. Овој систем и понатаму се развива и останува во производство веќе со децении.