ИСТАНБУЛ (АА) – Врховниот лидер на Иран, ајатолахот Али Хамeнеи, денес предупреди дека секое директно вклучување на Соединетите Американски Држави (САД) во конфликтот со Израел ќе има „непоправливи последици“, јавува Анадолу.

„Ционистичкиот ентитет (Израел) направи сериозна грешка и ќе се соочи со последици“, рече Хаменеи во телевизискиот говор.

Тој порача дека Иран нема да го прости нарушувањето на воздушниот простор на земјата ниту крвта на загинатите.

„Оние што се запознаени со историјата и народот на Иран знаат подобро отколку да зборуваат со јазикот на заканите“, рече тој.

„Американците мора да разберат дека секоја воена интервенција несомнено ќе донесе непоправлива штета. Тие треба да знаат дека Иран нема да се предаде и дека секој американски напад ќе ги чини Американците сериозни, непоправливи последици“, изјави Хаменеи.

Регионалните тензии ескалираа од петокот, кога Израел започна воздушни напади врз повеќе локации низ Иран, вклучително воени и нуклеарни постројки, што го натера Техеран да започне одмазднички напади.